Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
Góðan dag Mér langar að byrja að byrja að þakka fyrir frábæran vef. Ég fór á blæðingar fyrir tæpum 2 vikum, samkvæmt flo Eiga bestu líkurnar að vera núna á föstudaginn eftir 2 daga, er eðlilegt að egglos próf sé þá samt neikvætt núna? (Miðvikudag) Ég tek egglos próf daglega núna þessar 2 vikur sme ég gæti orðið ólett en so far þá er það alltaf neikvætt. Ætti ég kannski að láta kíkja á mig? Get ég samt orðið ólett þótt prófið sé neikvætt? Takk ??
Sæl, egglospróf verður jákvætt þegar hormónið LH er í hámarki, en það gerist 24-36 klukkustundum fyrir egglos. Það er því eðlilegt að egglosprófið sé enn neikvætt 2 dögum fyrir áætlað egglos. Ég hvet þig til þess að halda áfram að taka egglosprófið og sjá hvort það verði ekki jákvætt innan nokkurra daga. Þó að viðmiðið sé að egglosið verði á 14. degi tíðahringsins verður það oft aðeins seinna og stundum aðeins fyrr.
Mögulegt er að egglosprófið missi af egglosinu en það ætti ekki að gerast ef þú tekur það daglega. En ef það gerist geturðu orðið ólétt þó prófið hafi ekki náð egglosinu. Ef þú ferð í gegnum nokkra tíðarhringi án þess að fá nokkurntíman jákvætt egglospróf myndi ég ráðleggja þér að láta kíkja á þig.
Kær kveðja, Hafdís Guðnadóttir, ljósmóðir.
Er einhver ástæða til að gefa ekki stoðmjólk fyrr en 6.mánaða? Ég er með einn fimm mánaða gutta sem er nær eingöngu á brjósti en hann er farinn að fá smá matarsmakk blandað við brjóstamjólk (einu sinni á dag). Hann fékk örfáum sinnum Nan1 fyrir 2ja mánaða, svona þegar mamman þurfti að skreppa eitthvað, en hefur ekki viljað sjá það síðan, bara grettir sig og spítir mjólkinni útúr sér. Reyndum i kjölfarið að gefa hipp en þa bara var hann mjög móðgaður og fór bara að hágráta. Ég á til frosna brjóstmjolk sem hann drakk alltaf vel en núna upp á síðkastið vill hann ekki sjá hana heldur. Pelinn er ekki vandamálið þar sem hann er meira en til í að drekka úr honum ef ég pumpa og hann fær að drekka mjólkina strax sem hefur verið ágætis redding ef ég er bara að skjotast eitthvað í stuttan tíma. Mömmunni er soldið farið að langa að komast í smá frí með pabbanum en það er heldur erfitt þegar barnið vill enga mjólk fá. Er eitthvað sem mælir gegn því að prufa að gefa honum stoðmjólk?
Sæl, ástæða þess að mælt er með stoðmjólk frá 6 mánaða aldri er sú að yngri börn geta átt erfitt með að melta próteinin í henni, þar sem meltingarfærin eru ekki orðin nægilega þroskuð. Nan, Hipp og aðrar tegundir eru hins vegar sérhannaðar fyrir meltingarfæri yngri barna.
Þegar börnin hafa vanist einu bragði/ákveðinni tegund af mjólk eiga þau til að fúlsa við annarri. Þú talar um að hann drakk alltaf brjóstamjólk vel úr pela en er hættur að vilja það nema hún komi svo gott sem beint úr brjóstinu. Börn eiga til að spíta útúr sér mjólk sem er ekki við akkúrat rétta hitastigið, kannski aðeins of köld. Þið getið prófað að gefa honum frosna brjóstamjólk og passað extra vel uppá að hún sé passlega volg eins og mjólk sem kemur beint úr brjóstinu.
Hæ, ég er á sautjándu viku meðgöngu og ég er búin að vera allveg virkilega slæm í skapinu, litla þolinmæði, fer að grenja við minnstu tilefni Er það eðlilegt? Er eðlilegt að hormóna flæðið sé svona mikið á sautjándu viku?
Sæl, já á meðgöngu eiga sér stað miklar hormónabreytingar og margar konur upplifa skapsveiflur. Ef þær eru hins vegar úr hófi getur verið um dýpri vanda að ræða. Ég hvet þig því til þess að ræða þetta við þína ljósmóður í meðgönguverndinni.
Hæhæ, Ég fæddi mitt fyrsta barn núna í byrjun júní og fór snemma á blæðingar, eða í byrjun ágúst. Eða ég held að þetta hafi verið blæðingar. Alla vega var úthreinsunin hætt hjá mér fyrir svolitlu síðan en svo allt í einu kom mikið blóð í um það bil 4-5 daga. Núna er ég ekki byrjuð á túr aftur síðan þá en hef verið með túrverki í sirka viku. Getur verið að ég fài verki þótt ég fari ekki á túr? Ég er með barnið á brjósti. Er að hugsa hvort þetta sé eðlilegt eða hvort ég þurfi að taka óléttupróf. Kveðja Lóa
Sæl, blæðingarnar eru oft óreglulegar til að byrja með, sérstaklega þar sem þú ert með barnið á brjósti. Það er erfitt að segja hvað túrverkirnir merkja, mögulega er þetta aðdragandi að blæðingum en ef þú hefur ekki notað getnaðarvarnir er þungun möguleg.
Góðan dag, Takk fyrir góðan vef. Eg var að komast að því að ég er ófrísk. Ég á pantaðan tima i forskoðun fyrir laser á augum. Er mér óhætt að fara i slíka forskoðun a meðgöngu?
Sæl, já það ætti að vera í góðu lagi.
Sælar. Mælið þið með einhverjum bókum um börn, meðgöngu o.s.frv
Sæl
Það er til mikið magn bóka um barneignir, nýburann og fyrstu árin. Ætla að nefna hér nokkrar sem margar ljósmæður mæla með fyrir sína skjólstæðinga.
Kær kveðja, Jóhanna María Friðriksdóttir, ljósmóðir