Spurt og svarað

21. desember 2009

Leghálskrabbameinsskoðun á meðgöngu

Góðan daginn!

Ég var að komast að því að ég er komin u.þ.b. 6vikur á leið, og ég átti að fara í leghálskrabbameinsskoðun fyrir mánuði síðan. Mig langaði að spyrja hvort það sé í lagi að fara í skoðun. Ég talaði við hjúkrunarfræðing á krabbameinsstöðinni og hún sagði að það væri í lagi upp að 16.viku og því fyrr því betra. Hún kannaðist ekki við það að leghálskrabbameinsskoðun valdi fósturláti svona snemma á meðgöngu. Vildi bara „double-tjekka“ þetta við ykkur?

Með von um svar sem fyrst.

Kær kveðja.


Sæl og blessuð!

Jú, það er alveg óhætt að fara í þessa skoðun á meðgöngu. Sýnið sem er tekið er skafið varlega frá frumum í leghálsinum, langt frá þeim stað sem fóstrið er. Það getur verið að það blæði lítillega eftir skoðunina.  

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
21. desember 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.