Spurt og svarað

23. júní 2010

Ammoníak og meðganga

Getur ammoníak lykt eða leki haft áhrif á meðgöngu. Ég er komin 25 vikur og
starfa í fiskvinnslu þar sem upp hefur komið ammoníakleki. Er það hættulegt?


Við leituðum til Eitrunarmiðstöðvar Landspítala og þar varð fyrir svörum Ólafur R. Ingimarsson, yfirlæknir Bráða og göngudeildar. Við kunnum honum bestu þakkir fyrir skjót svör.

„Ammoníak gefur afar sterka lykt þó í litlum skömmtum sé og er þá hættulítið. Í stærri skömmtum geta komið eitrunareinkenni og þá aðallega frá öndunarvegum. Oftast strax en einnig er lýst síðkomnum áhrifum t.d bronchiolitis. Ekki er talað um nein sértæk áhrif á fóstur og virðist vera hægt að segja að ef móðir er ekki með einkenni þá hefur þetta ekki áhrif á fóstur.“

Vona að þessar upplýsingar komi að gagni.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
23. júní 2010.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.