Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
04. ágúst 2011
Sælar.
Getur komið rifa á belginn hjá tvíbura B án þess að vatnið leki út? þ.e. tvíburi A er skorðaður fyrir? Ef það myndi gerast (eða það lekur svo lítið að ég héldi að þetta væri þvag) er þá eins mikil sýkingar áhætta fyrir hendi? Báðar fyrri fæðingar mínar hófust með að grænt legvatn fór að renna, fyrir settan dag, og því veldur þetta mér miklum áhyggjum. Auk þess fór ég í hvorugt skiptið sjálf af stað eftir að vatnið fór að renna.
Með þökk og von um skjót svör,
Tvíburamamma
Komdu sæl.
Ef þig grunar að legvatn leki þarftu að fara og láta athuga með það! Vissulega getur komið gat á annan hvorn belginn og ef kollur er skorðaður getur verið að það leki lítið. Sýkingarhættan er til staðar og því þarf að ganga úr skugga um þetta. Leitaðu til ljósmóðurinnar þinnar á heilsugæslunni, það getur vel verið að hún geti athugað þetta fyrir þig eða þá að hún sendir þig niður á kvennadeild LSH.
Gangi þér vel.
Rannveig B. Ragnarsdóttir,ljósmóðir og hjúkrunarfræðingur. 4. ágúst 2011.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.