Spurt og svarað

06. nóvember 2006

Andateppa og reykingar

Sælar!

Ég hef smá spurningu og eiginlega skammast mín fyrir að koma með hana. Þannig er að ég er komin u.þ.b. 6-7 vikur og á mjög erfitt stundum með að „klára“ að anda. Næ ekki öllum andanum upp (voðalega erfitt að útskýra). Ég fékk svona líka á síðast en þá missti ég á 11.viku. Ég reyki reyndar ennþá en er að reyna að vinna í því að hætta alveg. Mér líður svolítið illa útaf reykingunum en er þessi andarteppa eðlileg? Er ég kannski bara kominn með langvinna lungateppu af óþvera?


Sæl og takk fyrir að leita til okkar.

Það er þekkt að einstaklingar sem reykja mikið og/eða hafa reykt lengi finni fyrir mæði.  Nú veit ég ekki hvað þú reykir mikið eða hversu lengi þú hefur reykt og að hvort það gæti hugsanlega verið ástæðan. Það er  þekkt að konur sem reykja og eru barnshafandi hafi áhyggjur og séu með vanlíðan á meðgöngunni vegna sektarkenndar sem þær hafa vegna reykinganna. Slík vanlíðan og sektarkennd geta hugsanlega haft áhrif á öndun í þá átt sem þú lýsir. Það er ekki hægt að tengja þessi einkenni beint við meðgönguna þar sem þú ert komin það stutt á leið en hins vegar er þetta einkenni þekkt hjá konum á seinni hluta meðgöngunnar. Þegar kúlan er orðin stór þá þrýstir hún á lungun og veldur því minna lungnarými og konum finnst þær ekki ná djúpum anda, svipað því sem þú ert að lýsa.

Hins vegar hafa reykingar skaðleg áhrif á fóstrið og er það alltaf ávinningur að hætta að reykja.  Ég hvet þig því til að halda áfram að vinna í því að hætta að reykja.

uppfært 28.10.2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.