Spurt og svarað

13. nóvember 2011

Lítið höfuð, stór búkur


Sælar og takk fyrir frábæran vef!

Ég er komin 32 vikur á leið og hef verið að fara í sónar að undanförnu til að fylgjast með vexti barnsins. Allt hefur komið eðlilega út en um daginn var okkur sagt að höfuðið værið minna en búkurinn og þyrftum ekki að hafa áhyggjur af... alveg strax !?! Ég hef ekki hætt að hugsa um þetta frá því ég kom heim og er búin að reyna að leita að þessu út um allt net, en finn ekki neitt. Hver getur verið orsökin fyrir því að barnið sé með hlutfallslega minna höfuð en búkurinn? Læknirinn sagði okkur að eðlilega sé búkurinn minni en höfuðið í svona vaxtarseinkunartilvikum. Hvað gerist ef barnið
mitt fæðist með smátt höfuð? Jafnar þetta sig aldrei? Eru einhverjir fylgikvillar, s.s einhver fötlun, greindarskerðing, minni heili eða hvað? Hverju þyrfti ég að hafa áhyggjur af? Vonandi fæ ég svör.

Kveðja, Ein stressuð.

 


 

Sæl!

Þegar um vaxtarskerðingu er að ræða þá er höfuðið oftast stærra en búkurinn, þannig að í þínu tilfelli er ekki um vaxtarskerðingu að ræða. Lang líklegast er höfuðið sé  minna vegna legu barnsins eða vegna erfða.

Kveðja og gangi þér vel,

María Hreinsdóttir,
ljósmóðir fósturgreiningardeild,
13. nóvember 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.