Spurt og svarað

13. október 2006

Lokkar í nafla og sköpum

Ég er ófrísk en þarf að vita nokkuð tengt lokkum í sköpum kvenna, ég er nefnilega með lokk í innri skapabarminum og þarf að vita hvernig það endar í fæðingunni ef að það teygist eitthvað mikið á þessu.  Það væri gott að fá að vita hvernig ég á að meðhöndla þetta ég er líka með gat í naflanum en ég er nú búin að fá að vita að það verður
ekkert mikið vandamál með það.
Takk fyrir góðan og fræðandi vef


Komdu sæl og takk fyrir að leita til okkar.

Ég er hrædd um að þú verðir að taka lokkinn úr þér fyrir fæðinguna.  Það teygist mjög mikið á skapabörmunum í fæðingunni og þeir liggja þétt að höfði barnsins.  Það getur því rifnað út frá lokknum og svo getur hann meitt barnið í fæðingunni.
Í sambandi við naflalokkinn þá teygist auðvitað á húðinni þar á meðgöngunni og oft myndast ljót ör þar sem lokkurinn er, þó það sé ekki algilt.  Margar konur velja því að taka naflalokkínn úr þegar kúlan stækkar.
 
Bestu kveðjur
 
yfirfarið 28.10.2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.