Spurt og svarað

08. ágúst 2007

Lóritín og Livostin

Sæl

Ég er komin 12 vikur á leið og hef verið að taka einstaka sinnum lyfið Lóritín á meðgöngunni vegna slæms frjókornaofnæmi og stundum hef ég fengið dropa í augun sem nefnast Livostin. Læknirinn minn sagði að ég mætti taka inn þetta lyf, en nú er ég að heyra annað!

Ég er alveg í losti hérna og veit í raun ekki alveg hvernig ég á að vera. Hvað áhrif getur þetta haft á fóstrið? Ég verð ofsalega þakklát ef ég fæ svar sem fyrst!


Sæl og blessuð!

Í Sérlyfjaskránni stendur að öryggi við notkun lyfsins á meðgöngu hafi ekki verið staðfest og því sé notkun Lóritín á meðgöngu er ekki ráðlögð. Á vefnum www.safefetus.com kemur fram að dýrarannsóknir hafi ekki sýnt fram á aukna tíðni fósturgalla en engar rannsóknir hafa verið gerðar á konum.

Livostin augndropa er hins vegar alveg óhætt að nota samkvæmt upplýsingum í Sérlyfjaskránni.

Þú ættir að ræða þetta við heimilislækninn þinn því ef til vill getur hann ávísað öðru lyfi sem er öruggara að nota.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
8. ágúst 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.