Spurt og svarað

21. desember 2011

Lúpínuseyði á meðgöngu

Góðan dag!

Mig langaði bara til að spyrja ykkur hvort það væri í lagi að drekka lúpínuseyði á meðgöngu. Samkvæmt innihaldslýsingu er í því vatn, lúpínurót, litunarmosi, ætihvönn, geithvönn, njóli og bragðefni (mentol, sítrónuolía).
 

Sæl!

Við leituðum til Sigríðar Ævarsdóttur sem sendi okkur eftirfarandi svar:
„Ég hef ekki gefið seyðið ófrískum konum og hef því ekki reynslu af því í slíkri notkun, en báðar tegundir hvanna, sérstaklega ætihvönnin er þekkt af tíðalosandi virkni og er varað við að nota hana á meðgöngu, sérstaklega fyrri hluta. Ég teldi nú ráðlegra að sleppa því svona til að hafa vaðið fyrir neðan sig.“

Sjá nánar á vefnum Lúpínuseyði Ævars.
 
Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
21. desember 2011.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.