Spurt og svarað

12. september 2007

Má skola munninn með flúorskoli á meðgöngu?

Má skola munninn með flúorskoli (sem maður t.d. kaupir í Bónus) þegar maður á von á barni? Hef bæði heyrt mælt með því og varað við því.

Kveðja, Sunna.


Sæl Sunna!

Samkvæmt upplýsingum á vef Tannlæknafélags Íslands er almennt ekki mælt með langtímanotkun munnskols en áhersla er lögð á að bursta tennur og hreinsa með tannþræði. Í vissum tilfellum ráðleggja tannlæknar notkun á munnskoli, t.d. eftir skurðaðgerðir en þá þarf að vega og meta hvert tilfelli fyrir sig. Ég hef í sjálfu sér ekki rekist á upplýsingar sem benda til þess að það geti verið skaðlegt að nota flúorskol á meðgöngu en myndi því segja að þú ættir ekki að vera að nota það nema þér hafi sérstaklega verið ráðlagt það af tannlækni.

Vona að þetta svari spurningunni.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
12. september 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.