Spurt og svarað

24. febrúar 2009

Með barnið milli fótanna

Góðan og blessaðan daginn.


Þannig er nú mál með vexti að ég er á 31.viku
meðgöngu og búin að vera á Bricanyl (hríðastillandi) síðan á viku 21. Ég
er búin að vera á rúmlegu og hef ekki mátt vinna núna síðan fæðingarlæknirinn sá ástæðu til að kyrrsetja mig og skrifa upp á Bricanyl.
Ég er enn á Bricanyl-inu en finn samt sem áður alltaf fyrir hörðum samdráttum.  Núna síðustu daga hefur tilfinningin um að vera með
barnið á milli fótanna verið að aukast ansi mikið. Ég er með mjög mikinn þrýsting niður og einhvernveginn ekki beint verki í grindinni sjálfri heldur meira
eins og þrýstingur hjá lífbeininu og spönginni og einhvernveginn örlítið eins og barnið sé komið ansi neðarðlega. Ég er núna að velta fyrir mér hvort
þessir verkir mínir, þrátt fyrir Bricanylið geti verið að koma mér af stað í fæðinguna? Hvort þetta sé útvíkkun í afar hægum gangi sem valda
þessum gríðarlega þrýstingi eða hvort þetta séu bara einhverjir grindarverkir?

Kær kveðja, mamman með barnið milli lappanna



Komdu sæl.

Þar sem nokkrir dagar eru liðnir síðan fyrirspurnin barst okkur vona ég að þú sért búin að fara í skoðun til ljósmóðurinnar þinnar eða læknis.  Það er bara það sem ég mundi ráðleggja þér að gera enda alls ekki hægt að meta svona í gegnum tölvuna.


Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
24. febrúar 2009.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.