Spurt og svarað

20. september 2010

Meðganga eftir keiluskurð

Hverjar eru líkurnar á því að eignast fyrirbura eftir keiluskurð?


Sæl og blessuð!

Þetta er svolítið erfið spurning því það eru mjög misvísandi upplýsingar um þetta. Í einni rannsókn frá Noregi kom fram að hætta á fyrirburafæðingu á viku 24-36 var um 17% hjá þeim sem höfðu farið í keiluskurð en 6,2% hjá þeim sem ekki höfðu farið. Aðferðin sem notuð er við keiluskurðinn skiptir víst líka máli og svo eru auðvitað ýmsir aðrir áhættuþættir fyrir fyrirburafæðingu s.s. óeðlilegt leg, sýking og blæðing.

Það er nokkuð víst að áhættan er eitthvað meiri en þó er keiluskurður yfirleitt ekki talin vera stór áhættuþáttur fyrir fyrirburafæðingu.

Vona að þetta svari einhverju.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
20. september 2010.

Heimild: http://womens-health.jwatch.org/cgi/content/full/2008/1016/1





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.