Spurt og svarað

10. janúar 2007

Asýran á meðgöngu

Góðan dag!

Er komin tæplega 5 vikur á leið. Hef verið með svo mikinn brjóstsviða undanfarnar 2 vikur og fór því að taka lyfið Asýran. Ég vissi ekki af þunguninni fyrr en fyrir tæpri viku. Í leiðbeiningum að lyfinu stendur að ekki eigi að taka það á meðgöngu án samráðs við lækni. Hafið þið einhverjar frekari upplýsingar um hvaða áhrif lyfið getur haft á fóstur?

Takk fyrir frábæran vef! (búin að lesa hann fram og til baka síðustu daga).

Kveðjur, Ein spennt.


Sæl og blessuð! Takk fyrir að leita til okkar.

Samkvæmt upplýsingum í Sérlyfjaskránni á vef Lyfjastofnunar er ekki er ráðlegt að gefa lyfið á meðgöngu nema brýn ástæða sé til vegna þess að takmörkuð reynsla er af notkun lyfsins hjá konum á meðgöngu. 

Ef þú telur að þú þurfir áframhaldandi lyfjameðferð þá er best að ráðfæra sig við lækni því það er með þetta lyf eins og önnur að alltaf ætti að ráðfæra sig við lækni áður en lyf eru tekin á meðgöngu.

Þú getur ef til vill nýtt þér eitthvað af þeim ráðum við Brjóstsviða sem nefnd eru hér á síðunni.

Kær kveðja,


Anna Sigríður Vernharðsdóttir,
ljósmóðir og hjúkrunarfræðingur,
10. janúar 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.