Spurt og svarað

01. október 2007

Aukaskoðun hjá ljósmóður

Sælar og takk fyrir góðan vef

Ég fór í skoðun þegar ég var komin akkurat 13 vikur og allt kom mjög vel út þá og ég fékk annan tíma þegar ég verð komin 17 vikur. Nú er ég komin rúmar 14 vikur og finnst e-ð svo langt þangað til ég fer í skoðunina! Ég missti fóstur í fyrra (reyndar bara komin 10 vikur) og það gerir mig svolítið stressaða núna varðandi dulið fósturlát. Ég hef engar ástæður til að ætla að allt gangi ekki vel núna, engir verkir blæðingar eða neitt því um líkt en samt þætti mér voða gott að geta farið kannski þegar ég er komin rúmar 15 vikur og hlustað hjartsláttinn hjá fóstrinu. Er það hægt?  Mynduð þið segja að þetta séu óþarfar áhyggjur hjá mér og að ég ætti bara að bíða róleg fyrst allt virðist ganga vel?



Komdu sæl.

Ef þér líður þannig að þú myndir róast við að fá að fara í aukaskoðun og heyra hjartsláttin þá er engin spurning að þú átt að panta tíma hjá ljósmóðurinni þinni.  Ef þú þarft að bíða of lengi, að þínu mati, eftir tíma geturðu reynt að bóka þig í símatíma hjá henni og kannski getur hún skotið  þér einhversstaðar inn á milli til að hlusta hjartsláttinn.

Kveðja

Rannveig B. Ragnarsdóttir,
ljósmóðir og hjúkrunarfræðingur.
1. október 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.