Spurt og svarað

15. júní 2012

Minnkandi bumba á 38. viku

Hæ hæ

Ég er komin 38 vikur og var að koma frá ljósmóðurinni. Hún mældi bumbuna og sagði hana vera búna að minnka, er eðlilegt að bumban minnki þegar maður er komin svona langt? Ætti hún ekki bara að stækka?



Sæl!

Já það er einmitt eðlilegt að bumban „minnki“ svona seint á meðgöngunni, oft er líka talað um að hún sígi. Á þessum tíma er algengt að kollur barnsins sé fast skorðaður í mjaðmagrind móður, þegar það gerist getur bumban lækkað því höfuð barnsins er komið neðar í mjaðmagrind móður. Bumban er því ekki að minnka heldur er barnið aðeins að færa sig neðar í grindina og þannig að undirbúa sig fyrir fæðinguna.


Með kveðju,
Signý Dóra Harðardóttir,
ljósmóðir og hjúkrunarfræðingur
14. júní 2012





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.