Spurt og svarað

26. ágúst 2008

Missi þvag þegar ég hósta eða hlæ!

Sæl!

Ég er komin 27 vikur og er að ganga með mitt annað barn. Þegar ég hósta eða hlæ mikið þá missi ég þvag. Er það eðlilegt? Þetta gerðist ekki á fyrstu meðgöngu.


Sæl

Þetta sem þú nefnir heitir áreynsluþvagleki. Nú þegar þú ert þunguð þá eykst álagið á grindarbotnsvöðvana og þeir halda ekki eins vel við blöðruna. Besta ráðið er að gera grindarbotnsæfingar til að styrkja þessa vöðva. Þú getur fundið þér einhvern fastan tíma til að gera æfingarnar t.d fyrir framan sjónvarpið. Einnig er mikilvægt að stunda þessar æfingar eftir fæðinguna þegar álagið á grindarbotnsvöðvana hefur náð hámarki. Annars ættu grindarbotnsæfingar að vera fastur þáttur í daglegu lífi okkar kvenna til að halda vöðvunum í formi þar sem þær hafa mikið forvarnargildi fyrir þvagleka og legsigi á efri árum, nú og svo til að auka kynlífsánægju.

Kveðja,

Tinna Jónsdóttir,
ljósmóðir og hjúkrunarfræðingur,
26. ágúst 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.