Spurt og svarað

13. desember 2006

Misstór tvíburafóstur

Sælar!

Ég er ófrísk af tvíburum. Fór í sónar 8 vikur og 6 dagar og þar kom í ljós að annað fóstrið er nokkuð minna en hitt. Er þetta algengt hjá tvíburum eða er þetta eitthvað sem þarf að hafa áhyggjur af? Ég varð þunguð eftir Pergotime meðferð og er að spá hvort það geti verið að annað eggið hafi frjóvgast kannski 4 dögum á undan eða hvað? Það voru tveir sekkir þannig að þetta er örugglega tvíeggja.


Sæl!

Það er ekki óalgengt að það sé stærðarmunur á milli tvíbura og þarf ekkert að vera óeðlilegt við það ef hann er ekki mikill. Ég reikna með að þú farir aftur í ómskoðun við 12 vikur þá er mælt aftur og er þá oft orðinn minni eða enginn munur á milli tvíburanna. Þetta er algengara þegar komið er á síðasta þriðjung og þess vegna eru konur með tvíbura vaxtarmældar oftar.

Kær kveðja,

María Jóna Hreinsdóttir,
ljósmóðir - deildarstjóri fósturgreingadeildar LSH,
13. desember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.