Spurt og svarað

25. mars 2008

Monotrim og fólínsýruskortur

Sælar ljósmæður.

Ég var að komast að því að ég er ófrísk af mínu þriðja barni, bara rétt komin 4 vikur samkvæmt meðgöngureikninum hjá ykkur. Málið er að ég hef verið á fyrirbyggjandi penisillínskammti síðan í janúar vegna blöðrubólgu. Ég fékk lyfið Monotrim og þurfti einnig að taka Vesicare. Ég talaði við lækni og hún sagði að monotrimið gæti orsakað fólinsýrugalla og mig langar svo að vita hvort barnið sé enn of lítið til að skemmast eða hverjar líkurnar eru. Og einnig talaði hún um að taka vel af fólinsýru og þá veit ég ekki hversu mikið ég má taka.

Með von um svar.

Kveðja, frk. Forvitin.


Sæl og blessuð!

Monotrim er eitt af þessum lyfjum sem geta valdið fólínsýruskorti og því er mikilvægt fyrir þig að taka inn fólínsýru. Venjulegur skammtur fyrir barnshafandi konur á fyrstu 12 vikum meðgöngunnar (reyndar fyrir allar konur á barneignaraldri) er 400 µg (0,4 mg) á dag. Konum sem hins vegar er hætt við fólínsýruskorti vegna lyfjainntöku eða sjúkdóma er ráðlagt að taka 5 mg á dag. Hægt er að fá fólínsýru í 5 mg. töflun en slíkar töflur er lyfseðilsskyldar.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
25. mars 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.