Spurt og svarað

10. desember 2007

Náladofi í bumbu

Sælar og takk fyrir flottan vef!

Ég er komin 25 vikur á leið og undanfarnar 2-3 vikur er ég búin að vera með mjög staðbundinn náladofa ofarlega hægramegin í bumbunni! Alltaf á nákvæmlega sama ca. lófastóru svæði. Kemur nánast alltaf ef ég ligg eða og
stundum ef ég sit og heldur stundum fyrir mér vöku.  Engin af vinkonum mínum kannast við svona einkenni á meðgöngu... Hvað gæti þetta verið og þarf ég nokkuð að hafa áhyggjur af þessu?

 


 

Komdu sæl. 

Náladofi getur bent til þess að blóðflæði um æð minnki mikið vegna stöðu eða að þrýstingur verði á taug sem liggur þarna um.  Hvort heldur sem er þá er sennilegast að lega barnsins hafi mikið með þetta að gera. Barnið getur þrýst á æð eða taug alltaf á þessu sama svæði og valdið þessum dofa.  Þú gætir reynt að ýta við barninu og vita hvort þetta lagast ef það breytir um stöðu inn í þér eða valið þér öðruvísi stellingar t.d. þegar þú sefur.  Það að náladofinn er ekki alltaf, hann hverfur inn á milli er gott og bendir til að þetta sé tímabundið vandamál.

Bestu kveðjur

Rannveig B. Ragnarsdóttir,
ljósmóðir og hjúkrunarfræðingur.
10.desember 2007.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.