Spurt og svarað

11. desember 2008

Nammi, gos og óléttusleikjó

Hæ!

Mig langaði ótrúlega í nammi, sætindi en ég þori ekki að borða nammi né drekka gos svo ég fékk mér óléttusleikjó. Getur það leitt til flökurleika, ef mér er ekki flökurt nú þegar? Er eitthvað í þeim sleikjó sem er líka í nammi sem er óhollt? Af hverju má ekki borða nammi eða drekka gos á meðgöngunni? Ég meina, hvað er það sem nammi veldur, eða hvað gerist?


Sæl og blessuð!

Óléttusleikjó er yfirleitt notaður við ógleði en ég vissi ekki að hann gæti valdið ógleði. Ég hef nú ekki heyrt að það megi alls ekki borða nammi eða drekka gos á meðgöngu en það er rétt að gæta hófs í því eins og bara alltaf. Gos inniheldur reyndar mikið af fosfór en ofgnótt fosfórs getur hindrað upptöku kalks sem er miklvægt að ekki skorti á meðgöngu. Leyfðu þér bara að fá þér nammi og gos en gættu bara hófs. 

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
11. desember 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.