Neikvæðar hugsanir

29.01.2007

Kæru ljósmæður
Langar til að spyrja ykkur hvort þetta sé eðlilegt hjá mér eða hvað. Ég er komin nokkrar vikur á leið með mitt fjórða barn og hef aldrei verið eins upptekið að því að hugsa eitthvað neikvætt eins og er eitthvað að fóstrinu mínu, missi ég fóstrið eða er ég með utanlegsfóstur, ég er alveg orðin húkkt á þessum hugsunum sem mér finnst alveg ömurlegt. En ég spyr er þetta eðlilegt  eða hvað?
kveðja
Skotta
 Komdu sæl Skotta.


 

Margar konur lýsa þessu eins og þú.  Búnar að eiga mörg heilbrigð börn og þá kemur eitthvað yfir þær og þeim finnst endilega að núna sé eitthvað að.  Sem betur fer er það nú sjaldnast.  Þetta er eðlilegt en ekki uppbyggilegt þannig að þú ættir að venja þig á þegar þú ferð að hugsa á þessum nótum að hætta því og hugsa eitthvað fallegt um barnið þitt í staðinn.

Gangi þér vel.

Rannveig B. Ragnarsdóttir,
hjúkrunarfræðingur og ljósmóðir.
29.01.2007.