Spurt og svarað

08. ágúst 2007

Nexium og Husk

Sæl!

Ég tek inn lyfið Nexium dag hvern vegna bakflæðis og vélindabólgna. Er í lagi að taka lyfið þegar um þungun er að ræða? Einnig tek ég Husk inn, er það í lagi?

Með von um svör.

 


 

Sæl og blessuð!

Samkvæmt upplýsingum í Sérlyfjaskránni skal gæta varúðar við notkun Nexium á meðgöngu þannig að ég geri ráð fyrir að þú takir lyfið inn í samráði við lækni sem metur ávinning meiri en hugsanlega áhættu af því að taka inn lyfið. Upplýsingar úr faraldsfræðilegum rannsóknum benda til þess að lyfið valdi hvorki fósturskemmdum né hafi eiturverkanir á fóstur.

Husk er í lagi að nota á meðgöngu. Mundu bara að það er mjög mikilvægt að drekka vel af vatni þegar þessi hylki eru notuð því annars geta þau hreinlega valdið hægðatregðu. Hér á síðunni er meiri fróðleikur um hægðatregðu á meðgöngu t.d. í fyrirspurninni Hægðatregða - Sorbitol.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
8. ágúst 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.