Spurt og svarað

16. júlí 2007

Neysla á meðgöngu

Hæ, hæ!

Ég er að ganga með mitt fyrsta barn og er komin 26 vikur. Ég er búin að vera i neyslu (kannabis) nánast allan tíman fram að þessu, reyki kannski í 10 daga og ekkert i nokkra. Ég hef ekki þorað að tala um þetta við ljósmóðurina af hræðslu við að barnaverndarnefnd verði kölluð til en fyrst og fremst af skömm :(  Mer líður hræðilega með þetta :(

Ég er staðráðin í að hætta núna og hef ekkert reykt i nokkra daga og fer á AA fundi. En hvernig er með barnið mitt? Hvað get ég gert til að laga það sem getur hafa skaðast?  Hvað a ég að gera?

Með von um hjálp.

 


Sæl, þakka fyrirspurnina!

Það er erfitt að segja til um hvað hefur skaðast varðandi barnið, það getur enginn svarað því hvort skaði hefur orðið og hvernig. Það er ekkert sem þú getur lagað nema að vera staðráðin í því að hætta neyslunni, það er það besta sem þú gætir gert fyrir barnið núna, því taugakerfið er í mikilli þróun á þessum tíma.

En ég myndi mæla með því að þú talaðir um þetta við ljósmóðurina þína það er alltaf betra að vera hreinskilin, þá færðu líka þann stuðning sem þú þarft, og þér liði betur með þetta. Þú gætir verið í eftirliti á Kvennadeild Landspítalans. Þar eru ljósmæður sem eru með mikla reynslu hvað varðar konur sem eru í neyslu.

Það er líklegt að barnaverndarnefnd verði kölluð til en ef þú stendur þig þá eru meiri líkur á að þú getir fengið að hafa barnið þegar það er fætt.

Með góðri von um að þú standir þig stúlka, því ég held að það séu töggur í þér.

Kær kveðja,

Sigrún E. Valdimarsdóttir,
ljósmóðir og hjúkrunarfræðingur,
16. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.