Spurt og svarað

04. febrúar 2015

Nýorðin ólétt og túrverkir!!

Sæl ég er nýbúin að fá að vita að ég er ólétt og mikil hamingja hér á bæ en ég er með endalausa "túrverki". Það getur verið óþægilegt að pissa, snúa mér og standa upp. Er þetta eðlilegt?

 

Heil og sæl og til hamingju!! Það eru rosalega miklar breytingar að gerast inni í þér og því ekkert skrýtið þó að þú finnir aðeins fyrir því. Það er að vísu mjög mismunandi hvað konur finna mikið strax í byrjun, sumar finna engar breytingar á sér og aðrar eru eins og þú og vita mjög vel af þessu. Það er lítið sem hægt er að gera  til að breyta þessu nema að hugsa vel um þig, borða hollan mat, sofa nóg og taka fólínsýru. Það er líka gott að reyna leiða hugann ekki of mikið að óléttunni og einkennum hennar  því að það er vel þekkt að ef að fólk fókuserar of mikið á ákveðna hluti þá magnast þeir. Ég veit að það er hægara sagt en gert!!! En varðandi það að það sé óþægilegt að pissa þá ráðlegg ég þér að láta rannsaka þvagið á heilsugæslunni og útiloka þvagfærasýkingu. Það gæti líka útskýrt einkenni þín. Gangi þér vel.

Bestu kveðjur
Áslaug V.
ljósmóðir og hjúkrunarfræðingur
4.feb.2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.