Spurt og svarað

25. apríl 2012

Ólétt með 7 mánaða barn á brjósti?

Ég er mikið að velta fyrir mér, ég á eina 7 mánaða dóttur sem er nær eingöngu á brjósti. Hún borðar þó 2 - 3 á dag en fær yfirleitt brjóst fyrir eða eftir mat og nokkrum sinnum yfir daginn. Einnig drekkur hún einu sinni til tvisvar á nóttunni. Ég er ekki á neinni getnaðarvörn og enn ekki byrjuð á túr aftur eftir að ég átti og svo óheppilega vildi til að ég og pabbi hennar stunduðum óvarið kynlíf án þess þó að hvorugt fengi fullnægingu aðfaranótt 8. apríl. Ég veit að það er eflaust erfitt að segja, en hverjar eru líkurnar á því að þungun getur átt sér stað án þess að maðurinn fái fullnægingu? Ég byrjaði fljótlega í síðustu viku að steypast út í bólum í framan og fylltist öll af kvefi. Ég er með pínu áhyggjur yfir því að geta verið ólétt og finnst ég ekki vera tilbúin til að koma með annað barn strax. Ef svo óheppilega vill til að ég sé ólétt hvenær get ég tekið óléttupróf sem mark er hægt að taka á og hvernig get ég reikna út hversu langt ég er komin?

Með von um skjót svör og þakkir fyrir góða vefsíðu.



Sæl og blessuð!

Þú getur ekki treyst á brjóstagjöfina sem getnaðarvörn þar sem barnið er nú þegar eldra en 6 mánaða og ekki eingöngu á brjósti. Það er vissulega ekki miklar líkur á þungun ef maðurinn hefur ekki haft sáðlát en ef þig grunar þungun þá getur þú tekið þungunarprófið  21 degi eftir óvarðar samfarir.

Kveðja,

Anna Sigríður Vernharðsdóttir
ljósmóðir og hjúkrunarfræðingur,
25. apríl 2012.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.