Spurt og svarað

08. maí 2008

Ólétt með klamydíu

Takk fyrir góðan vef, ég er búin að leita og leita að upplýsingum hér og annarstaðar en finn ekkert um það sem ég þarf að vita.

Ég er að öllum líkindum ófrísk, búin að vera á pergótime og fékk jákvætt á þungunarprófi í gær og komin 3 vikur og 5 daga á leið samkvæmt meðgöngureikni. En ég fer í kynsjúkdómatékk á morgun því það er líka mikill möguleiki á því að ég sé með klamedyu. Löng saga sem ég vil ekki fara út í. Núna óttast ég bara um barnið mitt. Hvað nú? Missi ég fóstrið ef ég er með klamedyu? Ef ég held fóstrinu og er með klamedíu mun þá doxytab (sýklalyfið sem er við því gefið) valda fósturskemmdum?

Nú þegar ég greinist ófrísk svona snemma og kannski með klamedyu líka er þá ekki allt í lagi svona snemma í meðgöngu?

Maður hefur nú heyrt um konur sem hafa dópað og drukkið fram á 10 viku án þess að vita um meðgönguna og svo hafa þær eignast heilbrigð börn.

plís svarið sem fyrst, ég er að farast úr áhyggjum.


Sæl og fyrirgefðu hvað svarið berst seint.

Klamydía getur valdið utanlegsfóstri vegna bólgu sem getur myndast í eggjaleiðurum við sýkinguna.  Ef þú ferð til kvensjúkdómalæknis getur hann séð hvort fóstrið er á sínum stað í leginu með sónar.

Doxytab er helst ekki gefið ófrískum konum vegna hættu á fósturskemmdum en gefið er annað lyf sem ófrískar konur mega taka.

Kveðja

Rannveig B. Ragnarsdóttir,
ljósmóðir og hjúkrunarfræðingur.
8. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.