Spurt og svarað

16. nóvember 2006

Ólétt og er á hormónalykkjunni

Sælar!

Ég er ólétt og er á hormónalykkjunni. Er hún ekki örugglega tekin eða verður hún að vera þangað til barnið er fætt?

Með fyrirfram þökk.


Sæl og blessuð!

Þegar konur sem nota lykkju verða þungaðar er reynt að taka lykkjuna ef það er hægt á auðveldan hátt. Ef ekki er auðveldlega hægt að taka lykkjuna er hún látin vera og þangað til eftir fæðingu. Oft kemur hún sjálfkrafa niður, t.d. um leið og fylgjan en það er mikilvægt að fylgjast með því hvort hún skili sér ekki. Þó að oftast gangi allt vel þrátt fyrir að lykkjan sé ekki fjarlægð er aukin hætta á fósturlátum og fyrirburafæðingum fyrir hendi. Vegna þess hve hormónalykkjan er örugg getnaðarvörn er ekki komin svo mikil reynsla af áhrifum hennar á meðgöngu og fæðingu s.s. áhrif hormóna á barnið. Það hormónamagn sem lykkjan gefur er tiltölulega lítið og rannsóknir benda til þess að þetta hafi ekki slæm áhrif á heilsu barnanna.

Yfirfarið 29.10.2015

Heimild

RxList - The Internet Drug Index (2004) MIRENA® (levonorgestrel-releasing intrauterine system) [online]. RxList - The Internet Drug Index. Upplýsingar sóttar 9. nóvember 2006 á: http://www.rxlist.com/cgi/generic3/mirena_wcp.htm





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.