Spurt og svarað

18. febrúar 2011

Ólétta eftir fertugt

Sæl Anna!

Hvert get ég snúið mér til að fá upplýsingar um ólettu eftir fertugt?

Kveðja, S.


Sæl!

Við höfum ekki sett upp sérstakar upplýsingar um óléttu eftir fertugt en ættum kannski að taka það til athugunar. Það eru mun fleiri konur sem eignast börn eftir fertugt nú en áður. Það eru meiri líkur en minni að meðganga og fæðing gangi vel þrátt fyrir að verðandi móðir sé yfir fertugt þó vissulega sé aukin áhætta á einhverjum vandamálum. Mesta áhættan er sennilega á fyrstu vikum meðgöngunnar því það eru meiri líkur á fósturláti og litningagöllum hjá eldri konum en yngri. Ef þetta er fyrsta barn er aukin áhætta á meðgöngueitrun þegar aldur móður er yfir 35 ár.

Þetta eru auðvitað ekki tæmandi upplýsingar en svona það helsta mér dettur í hug. Þú getur að sjálfsögðu leitað til ljósmóður á þinni heilsugæslustöð og fengið frekari upplýsingar, nú eða sent okkur aftur fyrirspurn.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
18. febrúar 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.