Spurt og svarað

19. apríl 2011

Olía sem er óhætt að taka inn á meðgöngu

Góðan dag!

Ég er að leita að olíu sem mér er óhætt að taka inn á meðgöngu í stað hörfræolíu. Geti þið mælt með einhverri olíu? Ég er þá að leita eftir að fá omega 3 og smá smurningu inní líkamann.


Sæl!

Þorskalýsi og Omega-3 eru olíur sem hægt er að mæla með á meðgöngu. Nú er einmitt mikil umræða um nauðsyn þess fyrir alla taka inn D-vítamín og þá kemur lýsið mjög sterkt inn því það inniheldur bæði A og D vítamín og omega 3 fitusýrur. Það er þó varasamt að taka inn of mikið af lýsi því þá er hætt við að of mikið sé tekið af A og D vítamínum. Ein teskeið af þorskalýsi á dag er hæfilegur skammtur á meðgöngu.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
19. apríl 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.