Spurt og svarað

02. september 2009

Öndunaræfingar og fæðingastellingar í mæðravernd

Góðan dag kæru ljósmæður!

Ég hef heyrt að í öðrum Evrópulöndum fari hluti af mæðraverndinni í að gera og læra öndunaræfingar og að æfa fæðingarstellingar. Er þetta líka gert hér á landi?

Ég hef aldrei heyrt um það hérna og finnst einmitt skrítið ef það er ekki gert að hafa enga hugmynd um hvernig maður er og á að vera þegar að stóra deginum kemur.

Með fyrirfram þökk.


Sæl og takk fyrir góða fyrirspurn!

Það hefur ekki verið venjan hér að kenna öndunaræfingar og fæðingarstellingar í mæðraverndinni sjálfri. Aftur á móti er boðið upp á fæðingafræðslunámskeið hjá heilsugæslunni þar sem farið er í þessi atriði. Einnig er þetta stór hluti af því sem konur læra í meðgöngujóga.

Ljósmæður í mæðravernd eru mjög opnar fyrir spurningum og ég er viss um að ljósmóðirin þín er til í að gefa þér góð ráð. Hún getur einnig veitt þér upplýsingar um fæðingafræðslunámskeið.

Gangi þér vel.

Kær kveðja,

Harpa Ósk Valgeirsdóttir,
ljósmóðir og hjúkrunarfræðingur,
2. september 2009.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.