Spurt og svarað

23. september 2006

Örbylgjuofnar

Sælar kæru ljósmæður.

Mig langar til að spyrja um hvort örbylgjuofnar geti valdið einhvers konar skaðlegri geislun. Ég man þegar þeir komu fyrst á markaðinn var nokkur umræða um þetta. Ég þarf í starfi mínu að nota örbylgjofn sem er staðsettur í mittishæð í u.þ.b. 20 mínútur daglega og vil bara vera viss um að það sé í lagi.

Kveðja og þakkir fyrir ágætan vef.


Sæl og blessuð! Takk fyrir að senda okkur fyrirspurn.

Samkvæmt þeim upplýsingum sem ég hef þá eru örbylgjuofnar þannig gerðir að örbylgjugeislun frá þeim er mjög lítil, leki er mjög lítill og miklu minni en það sem telst vera skaðlegt fyrir menn. Mér vitanlega hefur ekki verið greint frá slæmum áhrif á heilsu móður eða barns sem rekja má til örbylgjugeislunnar. Sumir telja þó að sé hættulegra að borða mat sem eldaður er í örbylgjuofni en að vera nálægt örbylgjuofni, samt sem áður er maturinn ekki talinn vera okkur hættulegur.

Þú getur lesið meira um örbylgjuofna á eftirfarandi síðum:

http://hps.org/hpspublications/articles/microwaveovens.html 

http://hps.org/publicinformation/ate/faqs/microwaveovenq&a.html.

Vona að þessar upplýsingar komi að gagni.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
23. september 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.