Spurt og svarað

17. júní 2017

Egglosverkir

Sælar og takk fyrir æðislegan vef :) Mig langaði aðeins að forvitnast, nú er ég ekki á neinni getnaðarvörn og fæ ég svona svakalega egglosverki þegar ég er með egglos. Nema hvað að áður fyrr var ég á pillunni í nokkur ár og fann þá aldrei fyrir egglosinu. En áður en ég fór á pilluna þá fann ég fyrir egglosinu. Ég eignaðist barn fyrir àri síðan og hef ekki verið á neinni getnaðarvörn eftir barnsburð, en mér finnst egglosverkirnir töluvert verri núna eftir að ég átti og vildi bara athuga hvort það gæti eitthvað tengst því? Þá eftir meðgöngu eða að vera á engri getnaðarvörn? Hef mikið heyrt um blöðrur á eggjastokkum en vona innilega að það sé ekki það. Fæ verkina mest vinstra megin neðst í kviðarholi og einnig í endaþarm. Verð útþanin og með mikið loft í maganum. Vonandi getið þið svarað mér. Með fyrirfram þökk :)

Heil og sæl, það er misjafnt hvað konur finna mikið fyrir egglosinu. Sumar finna mjög greinilega fyrir því með talsverðum óþægindum. Mér finnst þín einkenni frekar mikil og ráðlegg þér að ræða málið við tækifæri við kvensjúkdómalækni. Gangi þér  vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.