Spurt og svarað

11. júlí 2017

Hætta að pumpa mjólk

Ég er með 12 vikna tvíbura og hef verið að mjólka mig fyrir þá frá fæðingu. Reyndi brjóstagjöf en það gekk mjög illa vegna mikils mjólkurflæðis. Nú sé ég fram á að fara að hætta að pumpa mig en veit ekki hvernig ég á að fara að því. Er núna að pumpa ca. 6 sinnum á sólarhring um 1300 ml í heildina. Hvernig er best að minnka framleiðsluna smá saman?

Heil og sæl, ef þú vilt hætta þessu er líkast til best að stytta tímann sem þú pumpar þig, vera styttra í vélinni. Svo er gott að láta líða lengra á milli þess sem þú ferð í vélina og svo er gott að fækka um eina og eina pumpun. Það er gott að gefa sér tíma í þetta og fækka um eina gjöf á einhverra daga fresti. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.