Spurt og svarað

02. ágúst 2017

Að mála með nýbura

Hæ og takk fyrir frábæran vef! Ég er með tæplega 2 mánaða gamalt barn og langar að mála smá heima hjá mér, þ.e. með veggmálningu. Þá spyr ég hvort málningin, lyktin og gufurnar geti truflað barnið og/eða séu hreinlega óæskilegar fyrir það á þessum aldri. Ef þið mælið algerlega gegn því að gera þetta, hvenær gæti þá verið óhætt að ganga í verkið? Bestu kveðjur

Heil og sæl, það er ekkert sérlega gott fyrir neinn að anda að sér mikilli málningarlykt. Nú er málning til sem ekki er lyktarsterk og á að vera umhverfisvæn. Ég ráðlegg þér að skoða það og einnig að loftræsta vel þegar þú ert að mála. Ef þér finnst lyktin óþægileg þegar þar að kemur er spurning hvort þú getir farið annað með barnið á meðan. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.