Spurt og svarað

09. júní 2009

Óþægindi eftir samfarir

Mig langaði til að senda hérna inn fyrirspurn, ég er ekki alveg viss hvort þetta tengist beint meðgöngu en þetta er allavega eitthvað sem hefur aldrei háð mér áður.  Þannig er að ég verð alltaf svo rosalega aum að neðan eftir kynlíf. Þetta er alveg svakalegur þrýstingur niður og eymsli og svo verða skapabarmarnir svolítið bólgnir. Þetta er svo sárt að ég get varla staðið né gengið það sem eftir er dagsins. Ég finn samt ekkert fyrir óþægindum á meðan á samförum stendur, þetta byrjar bara stuttu eftir. Ég vil taka það fram að við stundum nú alls ekkert harkalegt kynlíf, erum búin að prófa að nota vel af sleipiefni, og jafnvel þótt samfarir standa ekki lengur en 1 mínútu þá verð ég svona svakalega aum á eftir.Hvernig stendur á þessu? Ég finn annars engin óþægindi þarna, engan kláða eða aukna útferð og þetta gerist bara eftir kynlíf. Ég er gengin 27 vikur og þetta er búið að vera að ágerast síðustu 2 mánuðina. Þetta er orðið ansi hvimleitt því þótt eitthvað sé í ólagi þarna niðri þá er kynlífslöngunin sko í topplagi!

Takk fyrir og með von um svör!


Góðan dag.

Það getur verið að um æðahnúta sé að ræða í leggöngunum og skapabörmunum sem þú finnur ekki fyrir nema eftir samfarir.  Það tengist meðgöngu og gengur til baka eftir fæðinguna.

Kveðja

Rannveig B. Ragnarsdóttir,
ljósmóðir og hjúkrunarfræðingur.
9. júní 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.