Spurt og svarað

11. september 2017

Grátur eftir gjöf

Takk kærlega fyrir frábæran vef, ég hef notað hann mikið. Ég er með eina 4 mánaða og hún hefur aðeins verið á brjósti og hefur brjóstagjöfin gengið vel eftir að við fundum jafnvægið, hún þyngist vel og er yfir kúrfum. Vandamálið er að hún fer mjög oft grátandi/kvartandi af brjósti, sama hvort hún fer sjálf af brjósti eða ég tek hana af eftir að hún hefur verið að snudda mig. Hún hefur alltaf gert þetta þannig að þessi hegðun er ekki ný. Þar sem hún grét mikið fyrsti 3 mánuðina þá tengdi ég þetta við þá vanlíðan. Þessi grátur/kvart efir gjafir halda áfram og tekur mjög mikið á. Mig langar að vita hvort þetta sé eðlileg hegðun eftir brjóstagjöf? Ef ekki hvort þið vitið e-ð um hvað gæti verið að? 

Heil og sæl, nei það er ekki eðlileg/vanaleg hegðun að gráta þegar farið er af brjósti, sérstaklega ekki fyrst að hún þyngist vel. Ég verð að viðurkenna að ég átta mig ekki á hvað þetta getur verið. Það væri etv. gott að láta lækni skoða hana til að útiloka að neitt sé að líkamlegt þó mér þyki það ólíklegt þar sem þetta er bundið við eftir gjöf. Gangi ykkur vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.