Spurt og svarað

30. september 2017

Illt í legi, 2 mánuðir síðan ég átti

Sælar, þessi vefur hefur komið að einstaklega góðum notum og er ég þakklát ykkur fyrir það, ég eignaðist stelpu fyrir 2 mánuðum en er ennþá fá vonda samdráttarverki í legið. Þeir koma vanalega eftir að ég hef hreyft mig, stundað kynlíf eða borðað.. ég fór til kvennsjúkdómalæknis f. 2 vikum og hann sagði að þetta ætti að jafna sig sem það hefur ekki gert en þessir verkir minna helst á hríðir. Hvað getur þetta verið? kveðja

Heil og sæl, það er erfitt að segja til um hvað þetta getur verið án þess að skoða þig, sérstaklega þar sem kvensjúkdómalæknir fann ekki neitt sérstakt. Það sem hvarflar að okkur hér án þess að hafa skoðað þig er hvort það sé möguleiki á að þú sért með hægðatregðu. Stundum lýsa þeir verkir sér sem krampi neðarlega í kvið og koma oft eftir hreyfingu og eftir mat. Ef þú ert viss um að það geti alls ekki verið mundi ég ráðleggja þér að fara aftur til læknis og fá betri skoðun. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.