Spurt og svarað

10. október 2017

Óvissa um blæðingar

Hæ. Ég hef alltaf verið með reglulegar blæðingar.Samkvæmt meðgöngudagatalinu þá ég ég að vera komin 4 vikur og 6 daga, nokkrum dögum áður en ég átti að byrja á túr þá byrjaði að koma brúnt slím eða eins og gamalt blóð, ekki rautt semsagt í litlu magni og ég hélt að það væri bara blæðingar að hefjast en þetta stóð yfir í 3-4 daga og ég var alltaf með túrtappa en það kom alltaf bara eitthvað smá í hann. Ég var með sma verki með þessu, ég hef ekki byrjað á túr eftir þetta. Ég fekki neikvætt á prófi sem ég tók núna laugardaginn 7.okt.Ég finn svona sma verki i maganum en alls ekki mikið og ekki eitthvað vont. Hvað getur þetta verið ?, voru þetta bara blæðingarnar mínar?

Heil og sæl, það getur alltaf gerst að einar blæðingar séu frábrugðnar því sem vaninn er. Ég ráðlegg þér að bíða róleg og sjá hvernig næsti tíðahringur verður. Ef þú hefur eðlilegar blæðingar þá þarftu ekki að hugsa frekar um það en ef engar blæðingar láta sjá sig næst og þungunarpróf er neikvætt ráðlegg ég þér að ræða málið við kvensjúkdómalækni. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.