Spurt og svarað

17. október 2017

Mjög reglulegar blæðingar en ekkert egglos ?

Sælar Mig langar að vita, en ég er með mjög reglulegar blæðingar þær byrja alltaf 4 -6 hvers mánaðar og eru alltaf í 5 daga. Núna er ég og maðurinn minn að reyna eignast barn númer 2 og við keyptum egglosstrimla sem eiga að vera mjög góðir en ég fæ alltaf neikvætt á þeim alveg sama hversu oft á dag og prófa og sama hversu marga daga :( Getur verið að ég sé ekki með egglos ? Og hvað á ég þá að gera ? Það gekk mjög vel að verða ólétt af barni nr eitt. Kær kveðja og von um svör

Heil og sæl, ég tel að verði ef til vill að hafa aðeins varann á með svona strimla og nákvæmi þeirra. En ef þig grunar að egglos hjá þér sé ekki með eðlilegum hætti ráðlegg ég þér að ræða málið við kvensjúkdómalækni. Það kemur ekki fram hja þér hve lengi þið hafið verið að reyna en ef það er ekki mjög langur tími ráðlegg ég ykkur að prófa lengur áður en þú leitar læknis. Egglos er 14 dögum á undan blæðingum og af því þú ert mjög regluleg er auðvelt að finna út hvenær það er. Gangi ykkur vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.