Spurt og svarað

12. mars 2011

Parkódín

Góðan daginn!

Ég er komin 13 vikur á leið og er að spá í áhrif Parkódíns á fóstur. Fyrir 6 mánuðum var skrifað upp á Parkódín fyrir mig vegna verkja í baki. Ég hef tekið það mjög sparlega og oft bara reynt að komast af með ½ töflu í einu þar sem ég veit að þetta getur verið ávanabindandi. Ég er aðeins búin með 1½ spjald á nokkrum mánuðum. Nú langar mig til að vita hvort mér sé óhætt að taka ½ töflu af og til vegna verkja eða hvort þetta sé alveg bannað.

Takk fyrir góðan og fræðandi vef :)


Sæl og blessuð!

Það er talið óhætt að nota Parkódín af og til á meðgöngu en þú ættir að gera það í samráði við lækni. Ein tafla af Parkódín inniheldur 500 mg Parasetamol og 10 mg Kódein og venjulegur skammtur fyrir fullorðna er 1-2 töflur. Ef þú þarft að taka inn verkjalyf á annað borð þá ættir þú að taka inn fullan skammt þ.e. 1-2 Parkódín eða 1 Parkódín og 1 500 mg. Panodil/Paratabs saman því ½ Parkódín gerir ekki mikið gagn og kannski gæti verið betra fyrir þig að taka frekar 1-2 Panodil/Paratabs frekar en ½ Parkódín.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
12. mars 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.