Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
06. nóvember 2017
Hæhæ, ég og kærastinn minn höfum verið að reyna að eignast barn núna í 8 mánuði en ekkert hefur gengið. Ég skrái alltaf niður allt sem tengist tíðahringnum mínum, alla verki sem ég finn fyrir og blæðingar. Ég finn vel fyrir egglosi, verð aum í brjóstum og fæ egglosverki en tíðahringurinn minn er alveg á bilinu 31-41 dagur (oftast í kringum 36 dagar). Er þetta mjög langur tíðahringur og getur verið að hann sé að takmarka líkur okkar á því að eignast barn?
Heil og sæl, langur tíðahringur þýðir bara að þú er frjó aðeins sjaldnar heldur en ef þú værir með styttri hring. Óreglulegur tíðahringur gerir það einnig að verkum að oft er erfiðara að segja til um hvenær egglosið er en fyrst þú finnur það á sjálfri þér þegar það gerist þá kemur það etv. ekki að sök. Átta mánuðir er ekki það langur tími að það gefi ástæðu til að hafa áhyggjur þó þú sért ekki orðin þunguð ennþá. Gangi ykkur vel.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.