Spurt og svarað

03. ágúst 2008

Pirringur á meðgöngu

Sæl og takk fyrir skemmtilegan og fræðandi vef.

Ég er komin 22 vikur og ég er búin að vera svo rosalega pirruð sl.mánuð, ég pirrast útaf öllu! Er þetta eitthvað sem fylgir meðgöngu og má ég búast við því að vera svona út meðgönguna?


Sæl og takk fyrir að leita til okkar!

Það er mjög algengt að konur finni fyrir skapsveiflum og pirring á meðgöngu. Hormónabreytingar eiga einhvern hlut að máli en einnig aðrar líkamlegar breytingar svo og væntanlegar breytingar á högum þínum með tilkomu barnsins. Breytingar á hormónum hafa áhrif á taugaboðefni sem aftur hafa áhrif á tilfinningar og skap. Algengast er að konur finni mest fyrir skapsveiflum á 6. – 10. viku meðgöngu og svo aftur á síðustu vikum meðgöngunnar.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
3. ágúst 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.