Spurt og svarað

07. desember 2006

Pirringur í fótum

Sælar,

Vitið þið ekki um eitthvað slakandi vöðvakrem sem er óhætt að nota á meðgöngu þ.e. sem er hægt að bera á fæturna til að lina verki og koma í veg fyrir fótapirring yfir nóttina? Er komin 33 vikur og get ekki lengur sofið fyrir verkjum í fótum.



Komdu sæl.

Það getur verið gott að nota kælandi krem eða gel og bera á fæturna fyrir svefninn, það slær oft á þennan pirring.  Það má svo bera á aftur um nóttina ef þú vaknar.  Svona krem/gel getur þú fengið í flestum verslunum sem selja krem, apótekum eða heilsubúðum.  Láttu bara koma sýrt fram að þú sért ófrísk og fáðu ráðleggingar um hvað reynist best.  Það er hugsanlegt að kremin virki misvel á þig þannig að þú þarft kannski að prufa þig aðeins áfram.  Það sem virkar vel á eina virkar kannski ekki eins vel á aðra.

Ef þú ert með verki í fótunum þarftu kannski að fara aðeins að slaka á og passa að verða ekki of þreytt yfir daginn.  Settu fæturna upp á stól reglulega yfir daginn og hvíldu þig eins og þú getur.  Verkir og pirringur geta líka komið ef þú ert með bjúg á fótunum og þá geta stuðningssokkar og að hafa hátt undir fótum hjálpað.  Hafðu samt í huga að þegar þú ert að byrja að nota stuðningssokka skaltu bara vera í þeim stutt í einu og smálengja svo tímann því fótapirringur getur komið þegar þú ferð úr sokkunum.  Þetta lagast svo þegar þú venst því að vera í svona stífum sokkum.  Til lengri tíma þá hjálpar þetta.

Gangi þér vel

yfirfarið 29.10.2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.