Spurt og svarað

12. ágúst 2010

Pirringur í handleggjum

Sælar og takk fyrir frábæran vef.

Ég finn ekkert um vandamál mitt á vefnum
og ákvað því að senda ykkur fyrirspurn.  Ég er komin rúmar 26 vikur og er farin að þjást af pirringi í handleggjum og öxlum á kvöldin og nóttunni.Ég er farin að eiga erfitt með að sofna á kvöldin og vakna um miðjar nætur vegna þessa.  Einnig er ég mjög þurr á höndunum sem ég finn sérstaklega mikið fyrir núna þegar ég er að skrifa þessar línur. Eru einhver ráð sem þið hafið handa mér?

Kveðja,
Jóna



Sæl Jóna.

Það sem mér dettur helst í hug er að þetta sé form af svokölluðu "Carpal tunnel syndrome" eða sinaskeiðabólgu sem margar konur finna fyrir á meðgöngu.  Þú gætir reynt að fá þér ólar á úlnliðina og passað upp á hendurnar þínar og úlnliðina á daginn svo þú sért ekki svona slæm á kvöldin og nóttunni.

Annars ráðlegg ég þér að tala um þetta við ljósmóðurina þína og lækni ef þetta lagast ekki eitthvað.

Kveðja

Rannveig B. Ragnarsdóttir
ljósmóðir og hjúkrunarfræðingur.
12. ágúst 2010.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.