Spurt og svarað

09. febrúar 2015

Ræktin!!

Ég ætlaði að byrja á því að þakka ykkur fyrir frábæra síðu sem hefur hjálpað mér mikið :).
En ég var semsagt að komast að því að ég væri ólétt, er sirka á 5 viku og var að spá hvort mér væri óhætt að halda áfram að æfa, þá sérstaklega svona snemma? Ég er aðallega á þrek og styrktaræfingum, þetta eru frekar erfiðar æfingar en við vinnum aðallega með líkamsþyngd og ketilbjöllur. En er mér óhætt að hoppa til dæmis eða reyna virkilega mikið á mig og má maður gera magaæfingar ? Takk kærlega :)

 
Heil og sæl, jú þér er óhætt að halda áfram að æfa og sérstaklega að gera magaæfingar. Þú skalt hlusta vel á líkamann og fara eftir því sem hann segir þér. Ef þér líður illa við ákveðnar æfingar skaltu sleppa þeim. Ef þú svitnar mikið mundu þá að drekka vel af vatni. Gangi þér vel og góða skemmtun í ræktinni.

Bestu kveðjur
Áslaug V.
ljósmóðir og hjúkrunarfræðingur
09.feb.2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.