Spurt og svarað

29. janúar 2007

réttur til fæðingarorlofs eða fæðingarstyrks

Ég hef mikið verið að spá í einu, ég er sett 27.júlí og ég er búin að vera í fullum skóla í allan vetur. Ég hef einnig verið að vinna 25-30% vinnu með skólanum þannig ég hef verið að velta því fyrir mér hvort ég fái fæðingarstyrk eða hvort ég fái fæðingarorlof? Telst ég ekki námsmaður ef ég eignast barn að sumri til, eða hvernig virkar þetta?  Mér finnst faedingarorlof.is ekki vera með nógu góðar útskýringar á þessu.
Takk fyrir frábæran vef og vona að þið getið hjálpað mér:)


 

Inn á www.vinnumalastofnun.is getur þú séð allt um fæðingarorlof og fæðingarstyrk.  Þar stendur að konur sem hafa verið í að minnsta kosti 25% vinnu síðustu 6 mánuðina fyrir fæðingu barns eigi rétt á fæðingarorlofi.  Konur sem hafa verið í fullu námi eiga rétt á fæðingastyrk.  Þú telst námsmaður ef þú hefur verið í "fullu námi í a.m.k. sex mánuði samfellt á síðustu 12 mánuðum fyrir fæðingu barns" skv. vinnumálastofnun.  Einnig er boðið upp á símatíma og er símanúmerið á vefnum þeirra ef einhverjar spurningar eru.

Gangi þér vel.

Rannveig B. Ragnarsdóttir,
hjúkrunarfræðingur og ljósmóðir.
29.01.2009.

Komdu sæl.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.