Spurt og svarað

08. júlí 2012

Rhesus varnir á meðgöngu

Sæl!
Ég er ólétt af mínu öðru barni og er Rhesus neikvæð. Ég á eitt barn fyrir en hef áður misst fóstur. Strákurinn minn er neikvæður líka svo ég þurfti ekki að fá sprautuna eftir fæðingu. En núna var ég í mæðraskoðun (bý í útlöndum) og ljósmóðirin sagði að í viku 24 yrði tekin blóðprufa hjá mér til að athuga blóðflokk fóstursins? En spurning mín er hvort að það sé hægt? Ég hef aldrei heyrt um að hægt sé að athuga blóðflokk fósturs og finn ekkert um það á netinu. Ég hélt að ég þyrfti að fara í nokkrar blóðprufur til að athuga með mótefni. En hún sagði mér að ég færi bara í blóðprufu á viku 24 þar sem þetta yrði athugað og svo ekkert meir. Er það eðlilegt?

Bestu kveðjur, ólétt í útlöndum.



Sæl!

Á Íslandi eru rauðkornamótefni hjá Rhesus neikvæðum konum athuguð í upphafi meðgöngu, við 28. og 36. viku. Hérlendis hefur ekki verið farið útí að kanna blóðflokk barns á meðgöngunni en það er hægt að gera og víðsvegar gert. Í blóði móðurinnar er hægt að greina fóstur DNA og greina blóðflokk barnsins út frá því. Aðferðin er dýr og enn í þróun og ekki verið talin þörf á að bæta henni við hérlendis.

Vona að þetta svari spurningu þinni.

Með bestu kveðju,
Signý Dóra Harðardóttir,
ljósmóðir og hjúkrunarfræðingur,
8. júlí 2012




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.