Spurt og svarað

29. ágúst 2011

Að mála utandyra

Sæl.

Ég er komin 36 vikur og fór að mála utandyra í tvo daga með olíumálingu, seinni daginn reyndar með grímu en áttaði mig
ekki á að þetta væri svona skaðlegt og hætti um leið og ég fattaði það.  Hversu mikill og hvernig skaði getur hafa orðiðá þessum dögum ef ég andaði þessu að mér?  

Kv. Ein mjög svo stressuð.



Komdu sæl.

Líklegast er að enginn skaði hafi orðið.  Þú varst jú utanyra þar sem loft leikur um þig og vindur blæs gufunum í burtu.  Einnig ertu langt gengin í meðgöngu og hættulegasta tímabilið búið.  Það er samt, því miður, aldrei hægt að vita þetta með fullri vissu.  Reyndu að hafa ekki áhyggjur.

Kveðja

Rannveig B. Ragnarsdóttir,
ljósmóðir og hjúkrunarfræðingur.
29. ágúst 2011.







Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.