Spurt og svarað

27. ágúst 2008

Salmonella á meðgöngu

Sæl og takk fyrir frábæran vef.

Ég er komin 27 vikur og fór til kanarí í sumarfrí og náði mér í salmonellu, nú eru liðnar 3 vikur nákvæmlega í dag og ég er komin á penicillin  sem ég byrjaði á fyrir 3 dögum en er enn með hita og rosalega illt í maganum öðru hvoru en er samt ekki búin að vera með niðurgang í 5 daga, hvenar ætti hitinn að fara? Getur pensillinið farið illa í magann hjá mér og getur þetta ekkert veri?hættulegt fyrir barnið?


Komdu sæl.

 

Þetta ætti nú að fara að lagast sérstaklega þar sem þú ert komin á sýklalyf við þessu.  Penicillin getur vissulega líka farið illa í magann en ef þú finnur ekki mun á þér á allra næstu dögum, á lyfjunum, þá ættir þú að fara og tala aftur við lækninn þinn.

Salmonellu sýking getur verið hættuleg barninu og er það þess vegna sem barnshafandi konur eru varaðar við hráum og illa elduðum mat.  Það er meðal annars þess vegna sem þú ert sett á lyf til að verja barnið og flýta því að þú náir þér.  Þú þarft að fylgjast vel með hreyfingum barnsins þíns og ef þær eru góðar veistu að því líður vel.  Þú átt alltaf að geta fundið 10 hreyfingar á 2 klukkutímum ef þú ert að hugsa um þær og telja.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
27. ágúst 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.