Tsk af graut

08.12.2017

Sælar! Í allri umræðu um fyrstu föstu fæðuna er mikið talað um 1-2 tsk af graut til að byrja með. Ég sá fyrir mér að það væri verið að tala um 1-2 tsk af tilbúnum graut (eftir blöndun) en finnst það ekki geta staðist þar sem það er misjafnt hvað fólk blandar grautinn þunnt, ef maður fer eftir leiðbeiningum á pakkanum er hann voða þykkur fyrir börn sem aldrei hafa fengið fasta fæðu. Því spyr ég, þegar mælt er með 1-2 tsk er þá verið að tala um af mjölinu sjálfu, og óháð því hve mikil mjólk/vatn er blandað útí? Kærar þakkir:)

Sæl og blessuð það er verið að tala um grautinn sjálfan en ekki mjölið. Það er reyndar rétt hjá þér að grauturinn er misþykkur hjá fólki. Þetta er þó ekki neintt hárnákvæmt. Þú blandar grautinn eins og gengur best í barnið og gefur því svo eina til tvær tsk. Gangi ykkur vel.